ماحولكم وايت للبيع ...!!

من طرف **أوفى الخلق** السبت مايو 22, 2010 6:01 pm

الشايب والوايت

بسم الله الرحمن الرحيم
اخباركمـ حبايبي ان شاء الله تمام
جبت لكم قصه الشايب والوايت اتمنى تعجبكم

الشايب والوايت ..

شايب نوى يشتري له وايت علشان يسقي الحلال
وذا الشايب متقاعد
وشاري له قطيع غنم ..
وفوقها خمسين ناقه . فأخذ يجمع له دراهم لين صار عنده حول الخمسه وثمانين الف ريال
فقام وتوكل على الله وعزم يروح يدور له وايت ..
صدفه وهو يمشي .. يلقى ناس مجتمعه في ارض فضاء كبيره وحولهم وايت واقف .
تعجب الشايب , وقال بس لقيناه
خلني اروح ..
اوصل هناك واشوف كم هو واصل سومه واذا هم حادينه اشوف كم هو عليه .
وصل عندهم الشايب ووقف يسمعهم ويحرجون , واستانس بالحيل لانه ماهو غالي .
والا ذاك الرجال .. ماسك الميكروفون ويحرج 50 , 52 . 55 , ومن قال زود
قال الشايب بس شكلهم يحرجون على الوايت ولاهوب بغالي
وان شاء الله يكون من نصيبي .
وخش معهم بالحراج , 56 , ويزودون .. ويزودون ...ويزودوون .. ويزود
المهم وصلوه , 75 , قام خربها وقالهم , 80 , هو قالهم 80 يوم طخوا كلهم وسكتوا ..! وهجدوا ..!!
ولتفتوا عليه !! يناظرونه .. ويناظرون بعضهم .. يوم تغامزوا ونقزله واحد منهم ..
وسحبه على جنب وقاله شف يارجال انت باين عليك ابن حلال وطيب بالحيل ,
وش رايك لو نعطيك شيك !!
بمليوون ريال الان ,, بس مانشوف وجهك واقف معنا بالحراج
انصدم الشايب .. افتر راسه وقال هاااا ..
وش السالفه ..؟؟؟
مليوون ريال .. وليه ..؟؟؟
قال له الرجال ( خويهم ) بس خذ هالشيك وتوكل على الله والله يستر عليك ولالك بالطبخه .

وش اسمك .؟؟
عطاه اسمه وكتب لله الشيك بمليون ريال
وطلع الرجال من الحراج وهو مايدري وش السالفه !!!
طيب وش العلم علمني ..؟؟
الا واحد قاله .الجماعه يحرجون على المخطط وواقفين بالصدفه جمب الوايت اللي جايبينه يرشون به الارض علشان يحرجون .
والحراج من اليوم بـ 56 مليون و75 مليون .. وابو الشباب ( الشايب ) خش عليهم عرض ولايدري وش العلم .
وهم بعد اخترشوا شوي يحسبونه هامور وبيلطش عليهم المخطط ..
قاموا وصرفوه بمليون ريال ..
وهو ماصدق .. طاير من الفرحه .. مليون .. ويقول بخاطره . عجزت وانا اجمع خمسه وثمانين الف ويجيني ذا الرزق من الله
فسبحان الله مقسم الارزاق على عباده . الرزق مثل الاجل يتبعك ..

*************
الله يرزقنا بمخطط بالغلط .
ماحولكم وايت للبيع
ههههههههههههههههه

تحيــــااتيــ

من طرف al-maystro السبت مايو 22, 2010 6:06 pm

ههههههههههههههههههههههههه ههههههههههههههههههههههههههه هههههههههههههههههههههههههههههه ههههههههههههههههههههههههههههههههه

مشكووورهـ ع الموضوووع المميز

من طرف **شـ جروحي ـايف** الأحد مايو 23, 2010 3:12 am

هههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههههههههههههههههه

يسلمووووووووووووووووووووووووووووووووووو ع هالمووووووووووضوع الفله

الله يعطيكي العافيه